თუ თქვენი სამზარეულო ძალიან პატარაა და გსურთ, რომ მოცულობით უფრო დიდი გამოჩნდეს, ჩვენი გუნდი გთავაზობთ რამოდენიმე დიზაინერულ ხრიკს სივრცის უკეთ აღქმისა და გამოყენებისთვის:
- „კუნძული“
შეიძლება არ გქონდეთ სრული კუნძულის დასამატებელი ადგილი, ამიტომ იფიქრეთ სამზარეულოში მაგიდის შემოტანაზე, რომელიც ორმაგ მოვალეობას შეასრულებს მოსამზადებლად და სასადილოდ.ეს აუცილებლად გამოაჩენს თქვენს სამზარეულოს უფრო დიდს და ელეგანტურს.
- „ღია თაროები“
დააკვირდით თქვენს სამზარეულოში ცარიელ ადგილებს, მაგალითად, გამოუყენებელი კუთხეები და ფანჯრის რაფები. ეცადეთ, ნებისმიერი თავისუფალი სივრცე შეავსოთ ღია თაროებით, თუნდაც პატარა ზომის არატევადი დეკორატიული თაროებით და განალაგეთ მათზე მცენარეები, ხშირად გამოსაყენებელი ნივთები, დეკორაციები და სხვა… ღია თაროები საკმაოდ ლამაზად გამოიყურება და ქმნის გაშლილი სივრცის ეფექტს.
- „ნათელი ფერები“
სამზარეულოს დამზადების დროს აუცილებლად გამოიყენეთ ნათელი ფერები, შეარჩიეთ ღია ფერის მასალები და მოერიდეთ სიმუქეს. ასევე ეცადეთ მაქსიმალურად ბევრი განათება დაამონტაჟოთ, რადგან კარგად განათებული ოთახი გვეხმარება სივრცის აღქმაში და ძaლიან ელეგანტურად გამოიყურება.
- „მაღალი კარადები“
ასევე დიდი სივრცის შთაბეჭდილებას ტოვებს მაღალი კარადები. ეცადეთ, მთლიანი კედელი აითვისოთ და მაღალი კარადები დაამონტაჟოთ, რაც არა მხოლოდ ვიზუალურად გაზრდის მოცულობას, არამედ მეტი ადგილი გექნებათ ნივთების შესანახად.
ჩვენი გუნდი სიამოვნებით დაგეხმარებათ დიზაინის შექმნასა და თქვენთვის სასურველი ავეჯის დამზადებაში.
